သက်ဆိုင်ရာ ဘာသာရပ်နယ်ပယ်အသီးသီး၌ နိုင်ငံအကျိုးပြု ခေတ်မီပညာရေးစနစ် ဖော်ဆောင်ရာတွင် ရန်ကုန်တက္ကသိုလ် ဆရာ/ဆရာမများ အသင်းက တစ်တပ်တစ်အားပါဝင်ရန် အစရှိသည့် ရည်ရွယ်ချက်များဖြင့် တက္ကသိုလ်ဆရာ/ဆရာမများအသင်းကို
ဖွဲ့စည်းခဲ့ပြီးနောက် အသင်း၏ လှုပ်ရှားမှုအနေဖြင့် အထက်ပါ အစီအစဉ်ကို စတင် ဆောင်ရွက်လိုက်ခြင်းဖြစ်သည်ဟု သိရသည်။ “ဆရာ/ဆရာမတွေရဲ့ ပညာရေးနဲ့ပတ်သက်ပြီး လှုမှုရေးအခြေအနေအပေါ် အမြင်၊ တက္ကသိုလ်အုပ်ချုပ်ရေးနဲ့ ပတ်သက်ပြီး အမြင်ပညာသင်ကြားမှုနဲ့ ပတ်သက်ပြီး၊ အမြင်တွေကို အသင်းက စစ်တမ်းကောက်တာဖြစ်ပါတယ်” ဟု အထက်ပါတာဝန်ရှိသူကပြောသည်။ လက်ရှိဆောင်ရွက်လျက်ရှိသော လုပ်ငန်းဆောင်တာများမှာ ဆရာ/ဆရာမများအတွက် အထောက်အကူ ပြုမပြု စစ်တမ်းကောက်ခြင်းဖြစ်ကြောင်း သိရသည်။ ထိုကဲ့သို့ စစ်တမ်းကောက်ခြင်းကို ရန်ကုန်မြို့အတွင်းရှိ တက္ကသိုလ်ဆရာ/ ဆရာမများအသင်း လေးသင်းစလုံးက ညှိနှိုင်းဆောင်ရွက်ပြီး အကောင်အထည် ဖော်နေခြင်းဖြစ်ကြောင်း သိရသည်။ “ရလာတဲ့ ရလဒ်တွေကို နိုင်ငံတော်ကို တင်ပြသွားမှာဖြစ်တယ်။ လွှတ်တော်မှာ ဆွေးနွေးခြင်းအားဖြင့်လည်း အကျိုးရလဒ်ကောင်းတွေ ရလာနိုင်ပါတယ်” ဟု အထက်ပါ ပုဂ္ဂိုလ်က ဆက်လက်ပြောကြားသည်။ အဆိုပါ တက္ကသိုလ် ဆရာ/ဆရာမများအသင်းအနေဖြင့် ၎င်းဆောင်ရွက်ချက်ကို မန္တလေးမြို့ရှိ တက္ကသိုလ် ဆရာ/ဆရာမများအသင်းနှင့်လည်း ချိတ်ဆက်ဆောင်ရွက်သွားမည်ဖြစ်ကြောင်း သိရသည်။ ပြည်ထောင်စုသမ္မတ မြန်မာနိုင်ငံတော် အလုပ်သမားအဖွဲ့အစည်းဥပဒေ (၂၀၁၁ ခုနှစ်) ပါပုဒ်မ ၄ (က) နှင့်အညီ ဆရာ/ဆရာမများ၏ လွတ်လပ်သော သဘောဆန္ဒအလျောက် တက္ကသိုလ်ဆရာ၊ ဆရာမများအသင်း ရန်ကုန်တက္ကသိုလ်ကို သြဂုတ်လအတွင်းက စတင်ဖွဲ့စည်းခဲ့ခြင်းဖြစ်ကြောင်း အခြားမြို့ရှိ တက္ကသိုလ်ဆရာ/ဆရာမများအသင်းကိုလည်း ကွန်ရက်ချိတ်ဆက် ဖွဲ့စည်းလျက်ရှိကြောင်း သိရသည်။ ကျောင်းသား၊ ကျောင်းသူများ၏ ပညာရေး၊ ကျန်းမာရေးနှင့် လူမှုဘ၀ တိုးတက်ရေးဆိုင်ရာ ကိစ္စရပ်များကို ထိရောက်စွာ ဆောင်ရွက်ပေးရန် တက္ကသိုလ် ဆရာ၊ ဆရာမများ၏ လှုမှုရေး၊ တိုင်းရင်းသားစာပေနှင့် ယဉ်ကျေးမှုဆိုင်ရာကဏ္ဍများတွင် တတ်နိုင်သမျှ ကူညီဆောင်ရွက်ပေးရန် အစရှိသည့် ရည်ရွယ်ချက်များ ပါဝင်သည်။
ထွန်းထွန်း
Internet Journal
No comments:
Post a Comment