“ပညာရှင်တွေရဲ့ လွတ်လပ်ခွင့် ပါမောက္ခတွေ၊ ဆရာတွေမှာ လွတ်လပ်ခွင့်ရှိဖို့ လိုတယ်” ဒေါက်တာသိန်းလွင်နှင့် တွေ့ဆုံခြင်း

မြန်မာနိုင်ငံ၏ ပညာရေးစနစ်ကို ပြုပြင်ပြောင်းလဲရန် ပညာရေးဝန်ကြီးဌာနက အစီအစဉ်များရေးဆွဲနေသလို ပြင်ပပညာရှင်များကလည်း
ဆွေးနွေးတိုင်ပင် တောင်းဆိုမှုများ   ဆောင်ရွက်လာကြသည်။
အောက်တိုဘာလဆန်းတွင် မြန်မာနိုင်ငံပညာရေးပြုပြင်ပြောင်းလဲမှုဆိုင်ရာ ဆွေးနွေးပွဲကျင်းပပြုလုပ်၍ ပညာရေးကဏ္ဍ ၁၀ ခုနှင့် ပတ်သက်သော
အကြောင်းအရာများကို ဒီမိုကရေစီနည်းကျ
ဆွေးနွေးအဖြေရှာခဲ့ကြသည်။
အဆိုပါ ဆွေးနွေးပွဲဖြစ်မြောက်ရေး ဦးစီးဆောင်ရွက်ခဲ့ပြီး ပြည်တွင်းပညာရေးလုပ်ငန်းများတွင် ပါဝင်ဆောင်ရွက်ခွင့်ရရှိရန် မြန်မာနိုင်ငံသို့ ပြန်လည်ရောက်ရှိလာသော နယူးကာဆယ်တက္ကသိုလ်မှ ပညာရေးပါရဂူဘွဲ့ရ ဒေါက်တာသိန်းလွင်နှင့် ပညာရေးလွတ်လပ်ခွင့်အကြောင်း တွေ့ဆုံမေးမြန်း
ထားသည်ကို ဖော်ပြလိုက်ပါသည်။
မြန်မာနိုင်ငံ ပြန်လာဖြစ်ပုံကို ပြောပြပေးပါ။
၂၀၀၁ ကစပြီးတော့ နယ်စပ်ဒေသမှာ ဒုက္ခသည်စခန်းက ကလေးတွေနဲ့ အလုပ်သမားကလေးတွေရဲ့ ပညာရေးအတွက် ဆောင်ရွက်ခဲ့ပါတယ်။
မြန်မာနိုင်ငံ ပြန်ရောက်တာ လေးလရှိပါပြီ။ နိုင်ငံရေးစနစ် ပြောင်းလဲသွားပြီးတော့ ပြည်ပရောက်နေသူတွေကို ပြန်လာဖို့ ကမ်းလှမ်းတာရှိတယ်။နောက်တစ်ချက်က ကျွန်တော်ကိုယ်တိုင်လည်း မိဘနဲ့ ဝေးနေတာဖြစ်တဲ့အတွက် လူမှုရေးအရလည်း ပြန်လာတာပါ။ ပြန်လာရင်းနဲ့  ပြည်တွင်းမှာလည်း
ပညာရေးလုပ်ငန်းတွေလုပ်ဖို့ လိုအပ်တဲ့အတွက် မပြန်တော့ဘဲနဲ့ ပြည်တွင်းပညာရေးလုပ်ငန်းမှာ ပါဝင်လာတာပါ။
Thinking Class Room အကြောင်းလေးပြောပြပေးပါ။
Thinking Class Room Foundation က ထိုင်းနိုင်ငံမှာ မှတ်ပုံတင်ထားတာပါ။ စာသင်ခန်းထဲမှာ ကျောင်းသားတွေ ကိုယ်တိုင်လေ့လာ
အားထုတ်တဲ့နည်းနဲ့ စဉ်းစားတွေးခေါ်တဲ့ နည်းစနစ်ကို ဆရာတွေကို သင်တန်းပေးတာပါ။ မူလတန်းဆရာရော၊ အလယ်တန်းဆရာရော၊
အထက်တန်း ဆရာရော၊ တက္ကသိုလ်ဆရာတွေရော ပါပါတယ်။ ဆရာတွေကနေ စာသင်ခန်းထဲမှာ ကျောင်းသားတွေ ကိုယ်တိုင်အားထုတ်သင်ယူတဲ့နည်းနဲ့
စာသင်နေရင်းနဲ့ စဉ်းစားဆင်ခြင် တွေးခေါ်ဖို့ နည်းစနစ်တွေကို အသုံးပြုနိုင်အောင် သင်တန်းလုပ်တာပါ။ ဆရာတွေအတွက် သင်တန်းလုပ်သလို
လူငယ်တွေအတွက်လည်း သင်တန်းလုပ်ပါတယ်။ နိုင်ငံရေးအဖွဲ့အစည်းမှာပါတဲ့ လူငယ်တွေ၊ အခြားအမျိုးသမီးအဖွဲ့တို့၊ သဘာဝပတ်ဝန်းကျင်
ထိန်းသိမ်းရေးတို့၊ နောက်သတင်းမီဒီယာပေါ့။ လူငယ်တွေအတွက် ဝေဖန်ပိုင်းခြားစဉ်းစားခြင်း သင်တန်းနှစ်ရက် လုပ်ပါ တယ်။ ကျွန်တော်တို့
ဖောင်ဒေးရှင်းက ၂၀၀၁ ကစပြီးတော့ ချင်းမိုင်မှာ သင်တန်းပေးခဲ့ပါတယ်။
လက်ရှိလုပ်ကိုင်နေတဲ့ ပညာရေးလုပ်ငန်းတွေအကြောင်း  သိချင်ပါတယ်။
အခုလုပ်နေတာကတော့ NLD  အဖွဲ့ဝင်တွေ ဖွင့်ထားတဲ့ ပညာဒါနကျောင်းတွေမှာ ပါဝင်ဆောင်ရွက်တယ်။ ဆရာတွေအတွက် သင်တန်းနဲ့
ကျောင်းတွေကို အကြံပေးတာပေါ့။ နောက် NLD က လူငယ်တွေအတွက်လည်း သင်တန်းလုပ်ပါတယ်။ ရေရှည် မျှော်မှန်းတာကတော့ အသက်မွေးဝမ်းကျောင်းသင်တန်းတွေ လုပ်ဖို့ပါ။ ကျောင်းတစ်ဝက် တစ်ပျက်နဲ့ ထွက်တဲ့ လူငယ်တွေအတွက်လည်း သူတို့ပညာပြန်ဆက်ဖို့ပါ။
တချို့ကျောင်းမနေတဲ့ လူငယ်တွေရှိတယ်။ လေးတန်းနဲ့ ထွက်တဲ့ကလေး၊ ရှစ်တန်းနဲ့ ထွက်တဲ့ကလေး၊ ဆယ်တန်းမအောင်တဲ့ ကလေးတွေက အများကြီးပါပဲ။ သူတို့အတွက် ကျောင်းပြင်ပ ပညာရေးလုပ်ဖို့၊ အသက်မွေးဝမ်းကျောင်း သင်တန်းတွေ ပေးဖို့ပါ။ ရည်ရွယ်ချက်ကတော့
ကလေးတစ်ယောက်ချင်းစီက အသက် မွေးဝမ်းကျောင်းပညာရပြီးတော့ သူတို့ဘ၀ရပ်တည်ရေးအတွက် အဆင်ပြေအောင်ပါ။
တက္ကသိုလ်ပညာရေး ပြုပြင် ပြောင်းလဲဖို့အတွက် အကြံပေးအဖွဲ့လေးတစ်ခုလုပ်နေတယ် ကြားတယ်နော်။
ကျွန်တော်တို့ ဒီအောက်တိုဘာလဆန်းမှာ ဆွေးနွေးပွဲလုပ်တယ်။ ဆွေးနွေးပွဲမှာ အခြေခံပညာရော၊ အဆင့်မြင့်ပညာရော၊ အသက်မွေးဝမ်းကျောင်း
ပညာရော၊ တိုင်းရင်းသားဘာသာစကား ကိစ္စတွေရော၊ အားလုံးပေါင်း ကဏ္ဍဆယ်ခုဆွေးနွေးခဲ့ကြတယ်။ အဲ့ဒီထဲက ကဏ္ဍတစ်ခုချင်းစီကို
အသေးစိတ် ပြန်ဆွေးနွေးဖို့ရှိတယ်။ အခုတော့ ဘုန်းတော်ကြီးသင်ကျောင်းတွေကလည်း အသေးစိတ်ထပ်ဆွေးနွေးဖို့ ရှိတယ်။ တက္ကသိုလ်ကဏ္ဍလည်း ဆွေးနွေးဖို့ ရှိတယ်။ တက္ကသိုလ်ပညာရေး ပြုပြင်ပြောင်းလဲမှုမှာ အားတက်သရောဆောင်ရွက်နေတဲ့ ဆရာဘိုးလှိုင်တို့၊ ဆရာကိုတာတို့ အပါအ၀င် တက္ကသိုလ်ပြုပြင်ပြောင်းလဲရေးမှာ အကြံပေးဖို့  Formally တော့ မဟုတ်ပါဘူး၊ အခုလောလောဆယ်တော့ ရင်းနှီးတဲ့သူတွေနဲ့စပြီး နောက်ပိုင်းမှာတော့ တက္ကသိုလ်ပြုပြင်ပြောင်းလဲရေး လုပ်လိုသူတွေနဲ့ တိုးချဲ့သွားဖို့ ရှိပါတယ်။
တက္ကသိုလ်ပညာရေး ဥပဒေကြမ်းနဲ့ ပတ်သက်ပြီးတော့ ဘယ်လိုမြင်ပါလဲ။
တက္ကသိုလ်ပညာရေး ဥပဒေကြမ်းကို ဒေါ်အောင်ဆန်းစုကြည်က လွှတ်တော်မှာ ကန့်ကွက်ခဲ့တာ အားလုံးအသိပဲ ဖြစ်ပါတယ်။ ကန့်ကွက်တဲ့အဓိက
အချက်နှစ်ချက်က တက္ကသိုလ်တွေရဲ့ လွတ်လပ်မှု၊ တက္ကသိုလ်တွေကို တက္ကသိုလ်အုပ်ချုပ်ရေးကောင်စီကနေ လွတ်လွတ်လပ်လပ် စီမံခန့်ခွဲခွင့် ရှိဖို့၊
နောက်တစ်ချက်က ကျောင်းသားတွေဟာ လွတ်လွတ်လပ်လပ် တွေးခေါ်စဉ်းစားနိုင်ဖို့ပါ။ ကျွန်တော်တို့ ကိုယ်တိုင်လည်း ဒီလိုပဲယူဆတယ်။
အဓိကကတော့ ပညာရေးလွတ်လပ်ခွင့်ရှိဖို့ပါ။ ပညာရေးလွတ်လပ်ခွင့် အောက်ကနေ ပညာရေးပြုပြင်ပြောင်းလဲဖို့ပါ။
ဒေါ်အောင်ဆန်းစုကြည်နဲ့ ပညာရေးပြုပြင်ပြောင်းလဲမှုအကြောင်း ဆွေးနွေးပြောဆိုထားတာရှိပါသလား။
ဒေါ်အောင်ဆန်းစုကြည်နဲ့ ကျွန်တော်တို့တွေ့ဖို့ တော်တော်တော့ ခက်တယ်။ သူကလည်း လွှတ်တော်မှာ အချိန်တော်တော် များများပေးရတယ်။
နောက်နိုင်ငံခြား ခရီးလည်းထွက်တဲ့အခါ ကျွန်တော်တို့နဲ့ အတူတူထိုင်ဆွေးနွေးဖို့မှာ အခက်အခဲရှိတယ်။ ကျွန်တော်တို့ ဆွေးနွေးတဲ့
အကြောင်းအရာတွေ၊ အယူအဆတွေ ဒေါ်အောင်ဆန်းစုကြည်ကို တင်ပြပါမယ်။ အဲ့ဒီလိုတော့ အချိတ်အဆက်ရှိတယ်။ ဒါပေမဲ့ အတူတူထိုင်
ဆွေးနွေးတာတော့ မကြုံသေးပါဘူး။
လက်ရှိ ပညာရေးဝန်ကြီးဌာနက ပညာရေးပြုပြင်ပြောင်းလဲမှုလုပ်လာတဲ့အပေါ် ဘယ်လိုမြင်ပါလဲ။
ကျွန်တော်ကတော့ ချုပ်ကိုင်မှုအောက်ကနေ တက္ကသိုလ်ကို သုံးနှစ်ကနေ လေးနှစ်ပြောင်းတာတို့၊ ဆယ်တန်းကနေ ဆယ့်နှစ်တန်းလုပ်မယ်တို့၊
အဲ့ဒါတွေကို ပြောင်းတယ်လို့ မထင်ဘူး။ ချုပ်ကိုင်မှုအောက်မှာပြောင်းတာ မဆီလျော်ဘူး။ အရင်ဆုံးက ချုပ်ကိုင်မှုကို လျှော့လိုက်ရမယ်။
ပြီးရင် ဒေသဆိုင်ရာ ပြည်နယ်နဲ့ တိုင်းတွေ ရှိတယ်။ သူတို့ပြည်နယ်နဲ့ တိုင်းတွေလည်း ပညာရေးလွတ်လပ်ခွင့်ရှိသွားမှာပေါ့။ အဲ့ဒါမှ သင်ရိုးညွှန်းတမ်း
ရေးဆွဲရင်လည်း သူတို့ ဒေသမှာရှိတဲ့ တိုင်းရင်းသားတွေရဲ့ ဘာသာစကား၊ ယဉ်ကျေးမှုတွေကို ပါဝင်ရေးဆွဲနိုင်တဲ့ လွတ်လပ်ခွင့်ရှိမယ်။ ဗဟိုက
ချုပ်ကိုင်ထားတယ်ဆိုတော့ ဗဟိုကလူရဲ့ အမြင်နဲ့ ရေးဆွဲထားတဲ့အခါကျတော့ တိုင်းရင်းသားတွေနဲ့ မကိုက်ညီဘူး ဖြစ်နေတယ်။ ပညာရေးကလည်း
အယူအဆ အမျိုးအမျိုးရှိတယ်။ တစ်စု၊ တစ်ဖွဲ့တည်း လုပ်တဲ့အတွက်၊ ပညာရေးအယူအဆ တစ်မျိုးတည်းနဲ့ လုပ်တဲ့အတွက် ပညာရေးအယူအဆ
မတူညီတဲ့ သူတွေရဲ့ သဘောတူညီမှု မရရှိနိုင်ဘူး။ အဲ့ဒီအတွက် စရေးဆွဲတယ်ဆိုတည်းက ပညာရေးအ တွေ့အကြုံရှိထားတဲ့သူ၊ လေ့လာထားတဲ့သူ၊
ပညာရှင်တွေပါဝင်ပြီးတော့ ဘက်ပေါင်းစုံ ပါဝင်လုပ်ဆောင်သင့်တယ်။
ပညာရေးစနစ်ရဲ့ အဓိက အားနည်းချက်အနေနဲ့ ဘာကိုထောက်ပြချင်ပါလဲ။
အဓိက အားနည်းချက်ကတော့ ပညာရှင်တွေရဲ့ လွတ်လပ်ခွင့်၊ ပါမောက္ခတွေ၊ ဆရာတွေမှာ လွတ်လပ်ခွင့်ရှိဖို့လိုတယ်။ အခုက ပါမောက္ခတွေ၊
ဆရာတွေက သူတို့မှာ အကြံဉာဏ်တွေ ရှိတယ်၊ ဒါပေမဲ့ ထုတ်ဖော်ပြောခွင့်လည်း မရဘူး၊ လုပ်ခွင့်လည်း မရဘူး။ အမိန့်ကို စောင့်နေရတယ်။
ပညာရှင်တွေကို လွတ်လွတ်လပ်လပ် ပြုပြင်ပြောင်းလဲ ခွင့်ပေးဖို့ပါ။ ပညာရေး လွတ်လပ်ခွင့်မှာ ပညာရှင်တွေရဲ့ လွတ်လပ်စွာ လုပ်ကိုင်ခွင့်လည်း လိုတယ်။
သုတေသန လွတ်လွတ်လပ်လုပ်ခွင့်ရှိရမယ်။ သုတေသနတွေ့ရှိချက်ကို လွတ်လပ်စွာ ထုတ်ဖော်ရမယ်။ ပညာရပ်ပိုင်းဆိုင်ရာမှာ လွတ်လပ်ခွင့်
ရှိရမယ်။ ကျောင်းသားတွေမှာလည်း လွတ်လပ်စွာ ရွေးချယ်ပညာသင်ယူခွင့် ရှိရမယ်။
မြန်မာကျောင်းသားတွေ အပေါ်မှာရော ဘယ်လို သုံးသပ် ချင်ပါလဲ။
လက်ရှိပညာရေးစနစ်အောက်မှာ သွားနေတဲ့အခါကျတော့ ကျောင်းသားတွေ ကိုယ်တိုင်အားထုတ်မှု မရှိဘူး။ အားထုတ်ခွင့် မရဘူးဖြစ်နေတယ်။
ကိုယ်တိုင်အားထုတ်စေချင်တယ်။ ဘာသာရပ်တွေကို ကိုယ်တိုင်အားထုတ်လေ့လာဖို့ပေါ့။ အဲ့ဒီအတွက် သင်တဲ့နည်းစနစ်တွေ ပြောင်းလဲဖို့လိုတယ်။
လက်ရှိပညာရေးစနစ်က အသင့်ရေးပြီးသား စာအုပ်နဲ့ သွားနေတာပေါ့။ တက္ကသိုလ်ပညာရေးစနစ်က အသင့်ရေးပြီးသား စာအုပ်တစ်အုပ်တည်း
မဟုတ်ဘူး၊ အများကြီးရှိဖို့ လိုအပ်တယ်။ ကိုးကားနိုင်ဖို့လည်း အများကြီးရှိဖို့ လိုအပ်တယ်။ ကျောင်းသားတွေ ကိုယ်တိုင်က သုတေသနပြုပြီးတော့
လေ့လာတဲ့ နည်းစနစ်ကို ပြောင်းစေချင်တယ်။
အချိန်ပေး ဖြေကြားပေးတဲ့ အတွက် ကျေးဇူးတင်ပါတယ်။

နေလင်းထွန်း
7Day News