ထို့အပြင် ပထမအသုတ် ကွင်းဆင်းသုတေသနအဖွဲ့
အား အောက်တိုဘာလ ၁၉ ရက်နေ့တွင်လည်း ကောင်း၊ ဒုတိယအသုတ်ကွင်းဆင်း သုတေသနအဖွဲ့အား အောက်တိုဘာလ ၂၄ ရက်နေ့တွင်လည်းကောင်း စစ်တွေသို့သွားရောက်ကာ အောက်တိုဘာလ ၃၀ ရက်နေ့အထိ ကွင်းဆင်းသုတေသန လုပ်ငန်းများဆောင်ရွက်ခဲ့ကြောင်း၊ ယင်းခရီးစဉ်များမှ တွေ့ရှိချက်များကို အခြေပြု၍ လုပ်ငန်းဆောင်ရွက်မှု ကြားဖြတ်အစီရင်ခံစာကို ၂၀၁၂ ခုနှစ် နိုဝင်ဘာလ ၁၆ ရက်နေ့ မတိုင်မီ တင်ပြသွားမည်ဖြစ်ကြောင်း အဆိုပါထုတ်ပြန်ချက်အရ သိရသည်။
“ဒီဟာက ကြားဖြတ်အစီရင်ခံစာပေါ့နော်။ အပြီးသတ်တော့ မဟုတ်သေးဘူး။ ဘာကြောင့်လဲဆိုတော့ အခုနောက်တစ်ကြိမ် ထပ်ဖြစ်တယ်ဆိုတော့ အချက်အလက်တွေ ထပ်ပြီးယူဖို့ရှိတယ်လေ။ အဲဒီတော့ အဲဒါကို တင်ရင်းနဲ့ နောက်ထပ်လေးလ ရက်တိုးချဲ့ပေးဖို့ သမ္မတကြီးဆီမှာ ခွင့်တောင်းမယ်။ ၂၀၁၃ ခုနှစ် မတ်လ ၃၁ ရက်နေ့ထိ။ အဲဒီအထိလည်း ရောက်ချင်မှ ရောက်မယ်။ ပိုပိုမိုမို တောင်းထားတာပါ” ဟု ရခိုင်ပြည်နယ် ပဋိပက္ခ စုံစမ်းစစ်ဆေးရေး ကော်မရှင်အဖွဲ့ဝင်တစ်ဦးဖြစ်သူ ဒေါ်သန်းသန်းနုက ပြောကြားခဲ့သည်။
ရခိုင်ပြည်နယ်ပဋိပက္ခစုံစမ်းစစ်ဆေးရေး ကော်မရှင်အဖွဲ့ဝင် နှစ်ဦးဖြစ်သည့် အစ္စလာမ်ဘာသာရေး ကောင်စီဌာနချုပ်မှ ဥက္ကဋ္ဌနှင့် အတွင်းရေးမှူးတို့ကို နိုဝင်ဘာလ ၁ ရက်နေ့က ထုတ်ပယ်ခဲ့ကြောင်း သိရှိရပါ သည်။
“အန်တီတို့ ကော်မရှင်ဖွဲ့တယ်ဆိုတာက သမ္မတကြီးက ဖွဲ့ပေးတာလေ။ ထုတ်တယ်ဆိုတာလည်း သူပဲ ထုတ်လို့ရတယ်။ ကျန်တဲ့သူ ထုတ်တာမဟုတ်ဘူး။ ကော်မရှင်က ထုတ်တာလည်း မဟုတ်ဘူး။ သူတို့ကတော့ သူတို့သတ်မှတ်ထားတဲ့ ဘောင်ကျော်လို့ လို့ပြောတာပဲ” ဟု ဒေါ်သန်းသန်းနုက ပြောကြားခဲ့သည်။
ရခိုင်ပြည်နယ် ပဋိပက္ခစုံစမ်းစစ်ဆေးရေး ကော်မရှင်ဥက္ကဋ္ဌ ဒေါက်တာမျိုးမြင့်ကို ဆက်သွယ်မေးမြန်းခဲ့ရာ တွင်လည်း နိုင်ငံတော်သမ္မတရုံးက ထုတ်ခြင်းသာဖြစ်ပြီး ကော်မရှင်အနေဖြင့် ထုတ်ပိုင်ခွင့်မရှိသလို ခန့် ပိုင်ခွင့်လည်း မရှိကြောင်း ပြန်လည်ဖြေကြားခဲ့သည်။
ရခိုင်ပြည်နယ် ပဋိပက္ခစုံစမ်းစစ်ဆေးရေး ကော်မရှင်ကို သြဂုတ်လ ၁၇ ရက်နေ့တွင် အဖွဲ့ဝင် ၂၇ ဦးဖြင့် နိုင်ငံတော်သမ္မတ ဦးသိန်းစိန်က ဖွဲ့စည်းပေးခဲ့ခြင်းဖြစ်ကြောင်း သိရှိရပါသည်။
Eleven Media Group
No comments:
Post a Comment