“လှပသော”သစ်အချောထည်စက်ရုံမှ အလုပ်သမား ၃၄ ဦးခန့်မှ စက်ရုံအတွင်း ဖွဲ့စည်းထားသော အလုပ်သမားသမဂ္ဂ အဖွဲ့ဝင်များအား အခွင့်အရေးများ ပိတ်ပင်ခြင်း၊ လုပ်ခလစာ အပြည့်အ၀ မပေးခြင်းတို့ကြောင့် အဓိက ဆန္ဒထုတ်ဖော်နေကြောင်း သိရသည်။
“လှပသော”သစ်အချောထည်စက်ရုံမှာ အောက်တိုဘာလ အတွင်းက လုပ်ခလစာနှင့် ပတ်သတ်၍လည်း ဒဂုံဆိပ်ကမ်းတွင် ဆန္ဒထုတ်ဖော်ခဲ့ကြောင်း သိရသည်။
စက်ရုံအလုပ်သမားအရေး ဆောင်ရွက်ပေးလျှက်ရှိသော ကို နေလင်းမှ “ ‘လှပသော’ သစ်အချောထည် စက်ရုံမှာ အဓိကဖြစ်နေတာ အလုပ်ဆိုဒ်တွေထဲကို စက်ရုံပိုင်ရှင်ဘက်က ပိုင်ရှင်မိသားစုတွေက ၀င်စွက်ဖက်တယ်။ နောက်ပြီး လုပ်ခလစာနဲ့ ပတ်သတ်လို့လည်း စက်ရုံက အပြည့် အ၀မပေးနိုင်လို့ ဆန္ဒပြကြတာပါ” ဟု ပြောခဲ့သည်။
ယင်းဖြစ်စဉ်များနှင့် ပတ်သတ်၍ စက်ရုံများအား ဆက်သွယ်မေးမြန်းခဲ့သော်လည်း တာဝန်ရှိသူုမရှိသဖြင့် ပြန်လည်ဖြေကြားနိုင်ခြင်း မရှိကြောင်း သိရသည်။
အလုပ်သမား အခွင့်အရေးများနှင့် ပတ်သတ်၍ အောက်တိုဘာလ ၂၂ နေ့မှစ၍ ဆန္ဒထုတ်ဖော်ခဲ့သော် တော်ဝင်မြန်မာ သစ်အချောထည်စက်ရုံမှာ နိုဝင်ဘာလ ၁၀ ရက်နေ့တွင် ၄င်းတို့ အဓိကတောင်ဆိုထားသော အချက်များ ရရှိသောကြောင့် ပြေလည်မှုရရှိသွားပြီဖြစ်ကြောင်း သိရသည်။
Eleven Media Group
No comments:
Post a Comment